Naari - Aaditya Partap

Title: Naari [Poem] Language: Hindi Written by Aaditya Partap "Naari" Main naari hu, ek beti hu, patni hu Main...

Title: Naari [Poem]

Language: Hindi

Written by Aaditya Partap

"Naari"

Main naari hu, ek beti hu, patni hu
Main laxmi tumhare ghar ki, tum mujhe hi marna chahte ho
Main naari hu, ek bhen hu, maa hu
Main chalaati puri duniya ko, tum mujhe hi dabana chahte ho..

Main naari hu, sherawali hu, jagdamba hu
Tum kr k beparda mujhe, fir mere hi darshan krna chahte ho
Main naari hu, ganga hu, godaweri hu
Tum kr k maila mujhe, fir mujhi se paap dhulana chahte ho..

Main naari hu,ek mamta hu,janni hu
Mujhi se astitv tumhara, tum mujhe hi mitana chahte ho
Main naari hu, insan bhi hu!
Tum purush ho to kya hua, us bhagwan ki rachna main bhi hu
Tum jo chahthe ho vo krte ho, meri kbhi na sunte ho..

Sada se tumhari sewa krti aayi hu,
pura jiwan tumhare naam krti aayi hu
Apna ghar bar sab chod aati hu tumhare liye,
fir bhi bujha dete tum meri aashao k diye
Aare kuch to sharam kro, ab to reham kro...

Lagta hai tumhe ki main kamjor hu tabhi itni dinge haakte ho
Main chup hu tabhi tum sher ki treh dahadte ho
Jis din bol padi main tumhari rooh tak kanp jayegi
Dekh kr jhansi ka roop, tumhari saari mardaangi bhaag jaegi..!